世上只有媽媽好

雙春兼潤月，好友紛紛搶閘做龍新娘。

能夠陪嫁，分享她們的幸福和感動，也讓我好滿足。

說實的，我恨嫁，唔怕醜博命搶花球，愛幻常婚禮當日的「致謝辭」，也樂於籌備我的草地婚禮，但當想到要離開媽媽，每天放工回家再也不能大吵大釀躺在沙發等飯吃，深夜時也沒有人替我添被子，生病時也不能鑽進媽媽的被窩裡撒嬌。(我也明白行年近三十，也不應太依賴....)

這幾天，媽媽去了旅行，鬧鐘響，我賴床，再響，繼續賴床。

缺少愛心大湯麵，早餐只得買個熱烘烘的糯米雞。第一天，還可以。第二天，好滯。第三天，想吐.......突然又覺得自己好孤單。

想想聖誕節弄個曲奇，周日與媽媽買材料好嗎﹖才想起她周一才回來.......我還是個孩子......

其實嫁了以後，我還是可以常常陪伴媽媽。

最討厭的聲音

以下幾種聲音是我最厭惡的︰

第一位︰女人鞋踭聲 --唔一定係高踭鞋發出，o個種「咯咯」係可以發生o係粗踭但唔係太高踭的鞋上，我唔知係個踭衰定係個人行得衰.......我公司咁o岩有，總要成日經過我個位，令我好頭痛

第二位︰咳嗽聲--仲要係咳到起啖o個種，聽到我好心寒，好記得考A LEVEL某科時全場勁多人咳，真係嬲到想大叫，而巧合地，我公司有人長期咳嗽

第三位︰細路扭計聲--唔係喊聲，係有D細路分明扮喊擠眼淚引人注意要人氹，我唔清楚我細個係咪咁，但如果我係佢地阿媽，我會由佢地嘈，因為愈理佢地會愈得戚

Welcome

 

Let's start......

懶

除了不願做家務不願上班考試臨急抱佛腳外，我的懶還包括︰

 

臨瞓前穿校服白襪讓第二朝可遲一點起床上學

將頭染成全黑免卻每隔兩三個月因頭頂出黑髮而再染啡的功夫

想到NAIL NAIL花了後要洗甲而不願NAIL NAIL

沖涼時順便刷牙節省時間

返工放LUNCH時帶耳塞禁止辦公室任何人聲電話聲擾我清夢

 

 

填表格

公司搞講座，有張online form俾人填，上面可以俾人填兩個人的資料。

有男人來電查詢....

男︰我想問下呢...你地8月22日搞o個個呢.....o個個seminar呢.....我點解未收到通知﹖

我︰唔好意思先生，我地仲未send e-confirmation, 應該會o係呢個星期尾send俾成功登記的人士

男︰點會，我朋友同我講佢已經收到。

我︰我地呢個星期先會send出去，所以應該未有人收到。

男︰咁就神奇喇......咁我而家再幫朋友登記都仲可以嗎﹖

我︰可以，deadline係8月10日

男︰好, byebye

(收線後30秒)

男︰唔好意思黃小姐，我想問張form有兩個姓名欄，係咪可以填兩個人﹖

我︰係呀。

男︰咁樣，填名係填人名定公司名﹖

我︰係填人名，公司名o係下面o個欄。

男︰哦...見到...但我見到公司名o個欄後面括住如適用，咁唔填得唔得﹖

我︰可以，淨係填人名, 電郵同電話都ok的。

男︰咁但係唔填公司名對我係咪成功登記有冇關係架﹖

我︰冇關係的，可以用個人身份參加。

男︰好的，bye。

(收線後又30秒)

男︰呀黃小姐，我又想問呢人名係咪一定要身份證個名﹖

我︰唔使架，唔一定要一樣。

男︰咁即係可以用我christian name﹖

我︰可以的。

男︰咁我入場時你點知係我﹖

我︰成功登記的參加者將會收到一個e-confirmation的email，只要print out個email入場時出示返就可以了。

男︰唔該晒，bye。

(收線後又又30秒)

男︰呀黃小姐，我剛剛send左兩次application過來，你收唔收到﹖......

理想酒店

有錢有權有地位的人，從來都有特別(討厭)的生活態度。

話說公司班有錢董事太太阿叔要開會，由於地點位於「人煙罕至」的大埔區，三催四請之下租左部尊貴的旅遊車接送，上車地點係九龍塘理想酒店對出，結果遭一口拒絕......
其實理想酒店附近有車站有幼稚園，點解一聽到就要黑晒呢﹖你又唔係十八廿二身材好過周秀娜，好話唔好聽都一把年紀啦，係怕俾人望蝕定係驚八卦雜誌寫衰呀﹖

不過其實佢地肯紆尊降貴已經好好，因為咁多年佢地一直唔肯踏出香港島半步，莫非住o係九龍新界離島o個d全部唔係人﹖

5個人的約會

要成功約會4人或以上，對我來說是一件不可能的任務。

作為聚會發起人，我先以電郵及whatapp等先進科技發出邀請，然後問「大家在二、三月那個星期六/日有空到我家聚聚﹖」

A和B和C各自覆了不同的日期，D則沒有回應。於是我再反建議另一個日期，A和B和C均沒有異議，D依然沒有回應。

一星期後，B反口說自己那天沒空了。

我投降了。

笑話一則

話說我要準備公司annual report 的文件俾我阿姐present用。佢開我個word file，然後同我講「D長方形ge圖唔該你用landscape啦，而家你rotate晒d圖唔通要人打側條頸睇咩﹖你唔會唔識用page break架呵﹖」

(okay，呢句有point！)

「呀，仲有，landscape左之後睇都仲係細，你呢個page set做A3啦，其他setA4…」

我諗左一陣……..乜唔係淨係print出來先可以揀用乜野size ge紙架咩……乜個screen都有得揀A3同A4咁勁?!

坐埋位冇耐，阿姐打來「喂，我想問下你用page break 係禁邊粒製架﹖」

救命……….

唔該我想問下有冇廁紙﹖

話說前天，搭地鐵返工時突然肚痛，由九龍塘一路忍呀忍，希望可以忍到最後返公司解決，點知去到金鐘轉車時終於忍唔住，於是扮晒若無其事咁問地鐵客戶服務員有冇廁所，個女仔二話不說話帶我去。在途上，竟然有另一個西裝漢加入去廁所之列。我地跟住服務員帶領，出閘後去到有鎖匙孔的銀色牆，由服務員開鎖後進入廁所通道，裡面有兩個廁格同一個殘廁格，我企圖打開第一廁格時，發現門上了鎖，正移玉步到另一道門，第一廁格有個男人探出頭來問︰「唔該我想問下有冇廁紙﹖……..」同行的熱心男子便借了給他……….好「火羅」啊！

當我「解決」完離開時，見到個冇廁紙用的男人在前方，原來也是個文質彬彬的西裝男子…………原來朝早地鐵係咁多人借廁所。