唔該我想問下有冇廁紙﹖

話說前天，搭地鐵返工時突然肚痛，由九龍塘一路忍呀忍，希望可以忍到最後返公司解決，點知去到金鐘轉車時終於忍唔住，於是扮晒若無其事咁問地鐵客戶服務員有冇廁所，個女仔二話不說話帶我去。在途上，竟然有另一個西裝漢加入去廁所之列。我地跟住服務員帶領，出閘後去到有鎖匙孔的銀色牆，由服務員開鎖後進入廁所通道，裡面有兩個廁格同一個殘廁格，我企圖打開第一廁格時，發現門上了鎖，正移玉步到另一道門，第一廁格有個男人探出頭來問︰「唔該我想問下有冇廁紙﹖……..」同行的熱心男子便借了給他……….好「火羅」啊！

當我「解決」完離開時，見到個冇廁紙用的男人在前方，原來也是個文質彬彬的西裝男子…………原來朝早地鐵係咁多人借廁所。