XYZ#*(^#q_#$^)

快將告別單身，總覺得好多事情想做未做，感嘆年輕日子實在太短。

想進步的同時卻又擔心起跑太遲，想自由地步入人生下個階段，卻有種種有形無形的壓力。

對於朋友家人甚至電視節目都說女人要識煮飯，我承認某程度是因反對這種「性別歧視」而拒絕煮飯。當然，我本身也不愛煮飯，也認為市面上的女子說自己煲得好湯煮得好菜可以綁住老公實是荒天下之大謬。

而最討厭的說話，必定是「生仔係女人的天職」、「要感受一下生仔的十級痛」。

結婚同生仔是要劃上等號嗎? 點解人人都要問我幾時生? 

我的人生難道不再是我的嗎? 

輕輕的我又走了

畢業後第四份工，由得親戚朋友說「吓你又轉工」，今次倒能矯正說只是辭工。你認為我裸辭任性說我八十後「捱唔到」，我又認為與其呆坐學唔到野之餘仲要退步不如早走早著。反正八年來未試過連續享十年大假以上，就當「放返夠本」。

唔擔心是假，經濟地產市景佳對靠支筆糊口的人未必有數著，每日refresh住careertimes jobsdb classifiedpost都仲未見到「好正呀」「如果佢請我就好」的筍工。雖要停止來回十八同十九層地獄的循環，魚翁撒網呃下Internview機會也未嘗不可。

祝我好運。

世上只有媽媽好

雙春兼潤月，好友紛紛搶閘做龍新娘。

能夠陪嫁，分享她們的幸福和感動，也讓我好滿足。

說實的，我恨嫁，唔怕醜博命搶花球，愛幻常婚禮當日的「致謝辭」，也樂於籌備我的草地婚禮，但當想到要離開媽媽，每天放工回家再也不能大吵大釀躺在沙發等飯吃，深夜時也沒有人替我添被子，生病時也不能鑽進媽媽的被窩裡撒嬌。(我也明白行年近三十，也不應太依賴....)

這幾天，媽媽去了旅行，鬧鐘響，我賴床，再響，繼續賴床。

缺少愛心大湯麵，早餐只得買個熱烘烘的糯米雞。第一天，還可以。第二天，好滯。第三天，想吐.......突然又覺得自己好孤單。

想想聖誕節弄個曲奇，周日與媽媽買材料好嗎﹖才想起她周一才回來.......我還是個孩子......

其實嫁了以後，我還是可以常常陪伴媽媽。

最討厭的聲音

以下幾種聲音是我最厭惡的︰

第一位︰女人鞋踭聲 --唔一定係高踭鞋發出，o個種「咯咯」係可以發生o係粗踭但唔係太高踭的鞋上，我唔知係個踭衰定係個人行得衰.......我公司咁o岩有，總要成日經過我個位，令我好頭痛

第二位︰咳嗽聲--仲要係咳到起啖o個種，聽到我好心寒，好記得考A LEVEL某科時全場勁多人咳，真係嬲到想大叫，而巧合地，我公司有人長期咳嗽

第三位︰細路扭計聲--唔係喊聲，係有D細路分明扮喊擠眼淚引人注意要人氹，我唔清楚我細個係咪咁，但如果我係佢地阿媽，我會由佢地嘈，因為愈理佢地會愈得戚

Welcome

 

Let's start......

懶

除了不願做家務不願上班考試臨急抱佛腳外，我的懶還包括︰

 

臨瞓前穿校服白襪讓第二朝可遲一點起床上學

將頭染成全黑免卻每隔兩三個月因頭頂出黑髮而再染啡的功夫

想到NAIL NAIL花了後要洗甲而不願NAIL NAIL

沖涼時順便刷牙節省時間

返工放LUNCH時帶耳塞禁止辦公室任何人聲電話聲擾我清夢

 

 

填表格

公司搞講座，有張online form俾人填，上面可以俾人填兩個人的資料。

有男人來電查詢....

男︰我想問下呢...你地8月22日搞o個個呢.....o個個seminar呢.....我點解未收到通知﹖

我︰唔好意思先生，我地仲未send e-confirmation, 應該會o係呢個星期尾send俾成功登記的人士

男︰點會，我朋友同我講佢已經收到。

我︰我地呢個星期先會send出去，所以應該未有人收到。

男︰咁就神奇喇......咁我而家再幫朋友登記都仲可以嗎﹖

我︰可以，deadline係8月10日

男︰好, byebye

(收線後30秒)

男︰唔好意思黃小姐，我想問張form有兩個姓名欄，係咪可以填兩個人﹖

我︰係呀。

男︰咁樣，填名係填人名定公司名﹖

我︰係填人名，公司名o係下面o個欄。

男︰哦...見到...但我見到公司名o個欄後面括住如適用，咁唔填得唔得﹖

我︰可以，淨係填人名, 電郵同電話都ok的。

男︰咁但係唔填公司名對我係咪成功登記有冇關係架﹖

我︰冇關係的，可以用個人身份參加。

男︰好的，bye。

(收線後又30秒)

男︰呀黃小姐，我又想問呢人名係咪一定要身份證個名﹖

我︰唔使架，唔一定要一樣。

男︰咁即係可以用我christian name﹖

我︰可以的。

男︰咁我入場時你點知係我﹖

我︰成功登記的參加者將會收到一個e-confirmation的email，只要print out個email入場時出示返就可以了。

男︰唔該晒，bye。

(收線後又又30秒)

男︰呀黃小姐，我剛剛send左兩次application過來，你收唔收到﹖......