5個人的約會

要成功約會4人或以上，對我來說是一件不可能的任務。

作為聚會發起人，我先以電郵及whatapp等先進科技發出邀請，然後問「大家在二、三月那個星期六/日有空到我家聚聚﹖」

A和B和C各自覆了不同的日期，D則沒有回應。於是我再反建議另一個日期，A和B和C均沒有異議，D依然沒有回應。

一星期後，B反口說自己那天沒空了。

我投降了。

笑話一則

話說我要準備公司annual report 的文件俾我阿姐present用。佢開我個word file，然後同我講「D長方形ge圖唔該你用landscape啦，而家你rotate晒d圖唔通要人打側條頸睇咩﹖你唔會唔識用page break架呵﹖」

(okay，呢句有point！)

「呀，仲有，landscape左之後睇都仲係細，你呢個page set做A3啦，其他setA4…」

我諗左一陣……..乜唔係淨係print出來先可以揀用乜野size ge紙架咩……乜個screen都有得揀A3同A4咁勁?!

坐埋位冇耐，阿姐打來「喂，我想問下你用page break 係禁邊粒製架﹖」

救命……….

唔該我想問下有冇廁紙﹖

話說前天，搭地鐵返工時突然肚痛，由九龍塘一路忍呀忍，希望可以忍到最後返公司解決，點知去到金鐘轉車時終於忍唔住，於是扮晒若無其事咁問地鐵客戶服務員有冇廁所，個女仔二話不說話帶我去。在途上，竟然有另一個西裝漢加入去廁所之列。我地跟住服務員帶領，出閘後去到有鎖匙孔的銀色牆，由服務員開鎖後進入廁所通道，裡面有兩個廁格同一個殘廁格，我企圖打開第一廁格時，發現門上了鎖，正移玉步到另一道門，第一廁格有個男人探出頭來問︰「唔該我想問下有冇廁紙﹖……..」同行的熱心男子便借了給他……….好「火羅」啊！

當我「解決」完離開時，見到個冇廁紙用的男人在前方，原來也是個文質彬彬的西裝男子…………原來朝早地鐵係咁多人借廁所。