我的華麗皮囊

Rating:	★★★★
Category:	Movies
Genre:	Horror

艾慕杜華的奇情片，意識橋段變態，視覺效果震撼，寒在骨子裡。姑且把邏輯推開，o個種估佢唔到的情節實是不得不佩服。與其夾硬推切個理由去合理化成件事，荒誕到抵唔係仲好咩﹖

祝陳dolly農場開工大吉！

分享成果

好後悔冇影低最高峰時的113........剛跑了兩個月，有這樣的成績已好高興，希望我有毅力繼續，可以開心多幾個月先肥返.......最好當然可以減到TARGET啦~~

 

女人

媽媽去過小學同學聚會後回家，其實聚會上也只有四、五個同班的女子，大家都已經五十多歲了。

媽媽詳細憶述飯局對話。

 

現職小學教師屬微絲細眼型的K，不夠五尺瘦削沒身身材，母說她年輕時很受男生歡迎，最終嫁了一個比自己細9年的男生。K說要打BOTOX和割眼袋︰「點都要KEEP住啦，我之前同我兩個仔出街(15及18歲)，D人仲以為我係佢家姐咋！」

月薪6萬大學教授的妻子C，五官澎湃及身材健碩，因去做$2,800 FACIAL而遲了一小時赴約。席間不停炫耀女兒及女兒的男友︰「我個讀完大學之後PART TIME讀MASTER，佢好多人追架，有個男人由讀書追到佢畢業，我個女好堅持，因為佢唔係基督徒冇同佢拍拖，最尾個男仔咪又係屈服，個男仔讀書仲好叻架……(下刪數百字)」

現職家庭主婦的N受不了C晒命，竟為我母出頭︰「阿Ann (我母洋名)而家都part time讀緊書啦！」

C深深不忿︰「讀LAW都唔知有乜用，我個女就唔同呢……(再下刪數百字)」

 

阿媽，點解你識埋D人咁騎呢架﹖

生仔

其實我本人真係唔多想生，但係最近有朋友大肚，討論左好多生BB的問題，我極不同意以下各點︰

1.女人一定要生仔，唔理屋企係咪大家族都好。(而家仲有人有呢D思想架咩?)

2.學校會睇BB在邊間醫院出世，所以揀入私家。(咁GE學校咪唔好讀囉白痴)

3.一定要俾個小朋友入PLAYGROUP，幫助入讀名牌幼稚園INTERVIEW。(無事搵事來做，人入我入咁為乜﹖)

4. 要俾小朋友學ABCDE，為佢地將來著想。(好啦，全部都係冇思想倒模出來的)

5. 小朋友考試又放假陪佢地。(點解要陪﹖你O係隔離伴讀佢地會叻左﹖)

個社會都痴晒線，錯晒，我會好敬佩O個D真係有諗過仔女想要乜同應該要乜的父母。

"Farewell" 的意義

對我來說，就是歡送，與相處多時的同事吃個飯嘻嘻哈哈，臨別秋波的一頓飯。

如果沒有「歡」的元素，為何還勉強的吃﹖

走的是我，為何還要我遷就其他無關痛癢的人的時間去吃這頓我想大家都不太願意吃的飯﹖

說實話，我只是真心想跟幾位同事和教授我吃個不吐不快的飯，不用太虛偽去send mass mail去「表揚」我半年的good work和contribution。更荒謬的是，叫我去挑一份中大紀念品作自己的臨別禮物，然後在farewell lunch present給我，為何要咁公式化﹖

如果到時有人迫我講臨別感言，我唔排除我會控制唔到自己。

一個過客走之嘛，既然你覺得我又遲到又唔識同你social又工作表現咁差的話，其實唔使做戲啦，影帝影后，我心領了。

PK記

昨天相約同事到運動場跑步，趕不上校巴，同事提議步行落山到運動場(十五分鐘路程，中途要經過n級樓梯)，他們問穿著高跟鞋的我要否換上波鞋才起行，我一口拒絕並認叻說︰「冇問題，我著慣晒」。走呀走，差不多到達目的地了，明明看到前面是有級樓梯，卻不知怎的「叉錯腳」，整個人仆了在地上，幸右手右腳有力撐住地下未致毀容。此時，同事甲扶起了我，問︰「你有冇事呀﹖」我看一看褲子，爛了，右膝在流血，還死頂說︰「冇事，仲跑得」(很瘀皮，死撐要繼續著高跟鞋喎，當然說冇事)。

結果，我還是跑了十個圈後才回家，然後叫阿母落街幫我買消毒藥水，一搽，痛得我想尖叫啊........其實細路仔時常常跌，我是屬於沒有平衡力沒有帶眼出街及有樓梯驚恐症哪類，我仍然不覺得是高跟鞋的錯......

跑步

看著自己體重幾何級數上升，實在慘不忍睹。想當年，我的確曾經擁有著一雙美腿(不算美也算瘦吧)和引以自豪的鎖骨。可惜，美腿已變象腿，鎖骨也消失了。

上星期，同學聚會上有誠懇的朋友指出︰「你肥左成個碼.......」

其實我不喜歡跑步，怕死的我會覺得自己有跑跑下猝死的可能，加上劇烈流汗上衣和褲子黏著皮膚，感覺尤其嘔心。可是，游水又實在太麻煩，家附近又沒有泳池，結果還是選擇去跑。

第1次穿了厚平底1寸的adidas去中大的操場，結果腳板痛死了，跑了15分鐘便頭暈心跳；第2次改穿鞋底較薄的converse，有進步，維持了20分鐘。為了讓自己繼續跑下去，我不情不願花了499大元買了一雙nike的跑步鞋，我認為自己付出了金錢後會唔想蝕的決心。昨天穿了新鞋子，果然是進步神速，跑了足足40分鐘。

我要瘦我要瘦我要瘦.........唔做師奶要做法拉。

考完試

所謂閉關一個月，終於考完試，等到頸都長終於等到呢一日，可以整頭髮睇戲唱K去海灘SHOPPING日淘夜淘，結果竟然有點失落呢。

昨天，頭痛耳痛肚痛作嘔身痕乜都出晒來，夜晚擔心自己瞓唔到喊左出來，其實又唔算係乜野大病，只係乘機發洩，都真係幾大壓力。讀LAW係會俾錯SIGNAL人想做律師，其實我又真係冇PLAN過要點，都只係想讀啫，點解一定要諗到咁長遠呢。有人讀法人有人學跳舞，咪又係學多一樣野，只不過形式唔同啫。

考完，冇晒力，冇晒動力，覺得好空虛。呢D咪叫犯賤囉。

 

浸禮

爸爸昨天受洗了。

說實的，若非至親，我決不會走進些什麼佈道會、分享會等等。都是這句，每個人都有宗教自

由，我根本是「志不在此」，被400多個基督的追隨者包圍，確是有點窒息。作為女兒，我當然

會為希望爸爸得到平安，但這個美其名為受洗會的聚會，不就是一個洗腦會嗎﹖

我有備而戰，帶了男友和書本和愛瘋到場，最不幸就是我那傳道人姑姐坐在我的左邊。最初我

只是看著書，後來那女牧師開始要求全體起身唱詩歌，我承認我不尊重場合，我全場都沒有站

起來，歌聲愈來愈大，洗腦感愈強。我開始還擊，便帶起耳筒聽流行曲，心寧稍作平靜。

後來開始有人分享，我再也不能專心看書，心裡面開始對內容逐一抨擊，我只覺得他們的內容

是沒邏輯可言，把沒有困果關係的東東拉在一起。我實在坐不下去，等爸爸完成儀式後，便9

秒9衝出禮堂。只是，我不想繼續不尊重教會，也不想忍不住破口大罵。

完事後，爸爸向我介紹了一個中老年男子，他說︰「我很久前已認識你爸了，不過，他現在變好了。」究竟什麼是好﹖好了以後從前的壞便可以一筆勾銷嗎﹖

信就是信吧，不要再講那些沒邏輯的因果關係。

今次是最後一次，我決不會再走進基督徒的圈子。

你們這群人，會明白我為何會這麼抗拒嗎﹖主沒有問題，有問題的只是以主做藉口來掩飾自己罪行的人。

阿爺話當年

阿爺是個不愛說話的人，應該是阿麻講得太多吧，兩夫婦總是一吵一靜。平日，他會在八號

風球黑雨時叮囑我回家路上要小心，又或是叫我工作不要太辛苦。

昨天，亞視播日本仔打中國的畫面，他開始滔滔不絕︰「第一次打仗我未出世，第二次再

打係1937年7月7日，我好記得。」

我︰「o個陣你咪得8歲﹖」
爺︰「係呀，仲係好細個，o個陣日日有炸彈，成日要避來避去，有一次我大哥同兩個同村的兄弟見到有炸彈，同村o個兩個走得快，但走到去棵樹度被炸彈炸死左, d肉仲痴左o係樹幹度，我大哥跑得慢返而冇事。」
我︰「嘩，好核突啫！」
爺︰「唔止，日本仔成日捉d偷野的人，綁晒佢地d手腳圍成一個圈，然後逐個斬頭。」
我︰「吓，你見住﹖」
爺︰「係呀，當時好多人一齊睇。仲有一次，我同我細佬冇野食，去日本仔o個度偷梨，俾人捉左，佢地綁起我地d手腳，我都諗住今次實死梗....點知突然有隻馬走過來咬斷左我地條繩，咪即刻跑返屋企囉，然後飲左碗凍水，好驚。」
我︰「隻馬救左你一命喎。」
麻(插咀)︰「我o個陣太細，我淨係記得我條村比較太平，得兩、三間屋，o個陣好多小朋友走來避難，我好開心識左好多朋友，打完仗佢地走，我仲叫佢地不如唔好走！」

阿爺原來只係平日冇機會講野。

回應陳DOLLY的利是

見到陳DOLLY影，搞到我又想影，哈~~~~

忙忙碌碌的農曆新年

新年假期是比聖誕復活忙碌。
年三十扮靚靚去做facial電眼睫毛修眉去，再趕急買一對新鞋子過年。
年初一、二就是去忙於拜年，見到著中國服的細佬仔就是最歡喜，也喜歡祖母的糕點和白粥。回到家裡聞到水仙花的陣陣芳香，就是覺得水仙是最美麗的花。

年紀唔細輩份細的我很樂於收利是，還喜歡研究邊款利是封最靚。或許，我好不願意長大.....不喜歡表姨甥叫我表姨，至今她仍叫我「姐姐」。

終於切切實實地認為，身體健康是最佳的新年祝福。

談朋友

人會成長，每個階段需要的東西都不同。

幼稚園的你最愛和熊bearbear做朋友，小學的你最愛向父母撒嬌，中學的你最愛和友人傾電話至通宵達旦......可是，你現在還會天天拿著熊bearbear上班﹖拖著父母的手說我愛你﹖下班後還要扯著天天開OT的友人講電話﹖

這不代表你不再喜歡熊bearbear不關心朋友和不愛父母吧，只是採用的方法不同而已。
父母生病，我痛心非常，
陪著我27年的小被仔不見了，我立即抓狂，
朋友有難，我義不容辭。

最近被人誤解，我沒有生氣，只是無奈。
只是說出心聲，根本沒有責怪的意味，就被人說我思想錯誤。
一句沒有意思的status，引來對號入座。
我十分認同我重色輕友，但說我當朋友是附屬品就怎都說不過去吧。
會否是當事人本身要求太高﹖

2011

走到這個年頭，感覺日子過得愈來愈快，開始害怕死亡，晚上入睡前也偶爾想像一睡不醒，覺得好恐佈。連人生的方向也未找到，我不想就此死去。

身邊的朋友結婚的結婚生仔的生仔，自己就連工也未做得穩，父母也未照顧得好。踏入新一年，除了不要亂花金錢外，也不要亂花時間，我不想繼續像一舊飯過日子。