有冇人可以話俾我聽點解

其實一直都唔明點解，唔係我偏見，某個年齡層的女性講野特別大聲，仲係講來講去都係講住同一樣野。就係因為有呢D人，我每日搭巴士一定要開大音樂聽歌，好似今日咁，我明明已經坐窗口位，隔住足足一個人同一條走廊，仲要開埋音樂聽，有個四十幾歲的C奶好大聲對住個電話講︰「阿李師奶個仔呢XYZDKSHFLDJLSDFJKS......(下刪一千字)」我真係唔想聽佢講乜，但係佢在20分鐘的車程只係講住同一樣野，仲要勁大聲。

呢個只係一個例子，每日都係有相同年齡層相同FEEL的C奶做以上的行為。以我所見，呢D人同常都係四、五十歲的女人、已婚、有仔女、肥、曲髮。究竟係點解，真係好有衝動問佢地︰「係咪撞聾﹖」男友話，因為佢地o係屋企老公十問九唔應，所以久而久之變得愈來愈大聲........

明天，我要買一個強勁的隔音耳筒。