馬拉松後

跑步日，大風、微雨，
清晨四時掙扎了數分鐘後都起了床。
感覺像搭早機一樣，
腦子是空空的，肚也是空空的。

在貼身跑步上衣上加穿了先生那新X港企業戰衣，當然外面要再披粉紅風褸遮醜。
走在街上，仍有點冷。
港鐵都擠滿了馬拉松的「選手們」，
全都整裝待發，像參加索契奧運似的，都幾墟冚。

大夥兒由維園走到走天橋上的起跑線，
六時半左右，天仍未光，
有扶老攜幼的，有行山遠足的，
有背心熱褲但有男友替她左擦右擦兩臂取暖的，
真是千奇百趣。

七時正，正式出發。
幸好拍照的健兒不算太多，
很快便繞過他們。
一路上不是很冷，但逆風吹得有點刺骨。
跟先生說好了各自跑出最佳成績，
起跑不久他已在我視線範圍內消失了。

跑呀跑，完成每公里也可以到里數牌，
少部份的健兒們不忘在這個景念拍照留念。
頭五公里跑得尚算順利，但六公里後亦後勁不繼，
里數牌就是繼續跑下去的動力。
六公里、七公里、八公里......
健兒們開始發力，愈來愈多人超前了我，
好不容易才完成九公里，前面卻是一條明斜。
已經無力的我，沒有一絲猶豫決定「行」過去，
直到斜上變成斜落，
才最後衝刺加速衝線。

大會時間︰1小時2分21秒
個人時間︰1小時1分56秒

始終未能於1小時內完成呢。

話唔講又講，生仔

我唔係唔生，
只不過唔係呢一兩年，
而生，
亦唔關任何人事。
唔係為傳宗接代，
唔係為實現人地阿媽家姐生仔的慾望。
唔好因為你個仔係你屋企唯一一個仔而奢望我去生仔。
我唔係工具。唔係母豬。
你可以祝我早生貴女，但絕對唔係開支散葉。
你可以覺得我好stubborn，但人地阿媽人地家姐又何嘗唔係﹖

要生，我都希望係生女。


我好惡，唔好惹我。
我亦都有阿媽生。
我係女，但我亦覺得自己好矜貴囉。

唔係生仔大晒。
完。

馬拉松前

周日將跑馬拉松。
我承認有點湊熱鬧的心態，
自問比那些在起跑線上只顧拍照嘻嘻哈哈的僂儸好一點。

當初跑步只為減肥，
但日子久了，
速度快了距離遠了也令我稍有成功感，
只是近日天氣冷了人也懶了。

周日14至17度，
第一年目標不用太harsh，
不用旅遊車載走也算合格了。

咁又過左年

農曆年過得快到令人接受唔到，初五回到辦公桌，彷如從沒離開過一樣。

車輪轉的拜年佔據了四天假期，有點累，但其實也幾warm的，大概一年就只有這個日子會哪麼齊腳，廿幾人迫入五百多尺的窩居，講下仔女、教下點整蘿蔔糕、再講埋廿年前住隔離屋個陳師奶近況，但剛加入這家庭的就不免有點悶。

就係笑下食下講下是非，新年假期就落了幕。那受了的氣應該要煙消雲散。

阿媽為超級麻煩的我特製的午餐肉冬菇蘿蔔糕，蘿蔔勁多，是我其中一個喜歡新年的原因。

我認我偏心，不愛小孩獨愛這對孖寶。年初一看到他們簡直覺得全年都會行好運。希望小寶貝門快高長大聽聽話話。

 朋友的聚會，嫁下又一個，成員人數triple上升。