呢排都瞓得好差，明明已經係十二點幾瞓，仲要係一瞓落床就瞓得著，都瞓左成七個鐘，但偏偏日日都係冇精神，成日恰眼瞓，所以我都唔敢夜瞓，唔敢想像再夜D瞓我第二朝會以乜野狀態返工。好似今日咁，連上妝都上唔到，我真的老了。
生活有點淡而無味，又想再轉工，但轉左又點，人生又唔會多左樂趣。想唔讀，但係為左自尊心，唔想人地話我，其實連自己都過唔到自己o個關，就算點都想完左個degree，好迂腐，但其實讀左又點，人生又唔會多左樂趣。
至於朋友，本身係好唔鍾意指明要「純女生」的聚會，而話題亦都愈來愈少，或者大家畢業後都變左好多，已經冇乜共同的話題，完全都搭唔到咀，諗野方向亦都好唔一樣，所以我又選擇唔出去。
好悶好乏味，希望只係間歇性情緒病吧。
而最躁則是，好憎人一點心思都冇，人生苦悶就是因為沒有情趣，我很怕悶，平淡的生活我受不了。
我要去顛了。
點解我要花十五分鐘答呢d問題︰
女士︰你地個火炬跑呢，係籌錢俾邊個部門﹖
我︰係籌俾香港特殊奧運會。
女士︰點解叫「特殊」，即係乜野﹖
我︰你上返我地個網址有詳細介紹。
女士︰咩野係網址﹖
我︰咁一係你上返我地會拎返d章程。
女士︰你地個會係乜野﹖
我︰香港特殊奧運會。
女士︰咁點去﹖
我︰地址係沙田瀝源社區會堂地下二室。
女士︰沙田乜原呀﹖
我︰沙田瀝源社區會堂地下二室
女士︰沙田瀝源…區….咩?
我︰沙田….瀝源….社區會堂…..地下二室
女士︰屯門有乜野車去﹖
我︰我唔清楚，你可以上網睇下。
女士︰咁周圍係d乜﹖係舖頭定係﹖
我︰對面係沙田崇真學校。
女士︰純憎? 點寫﹖
我︰崇高個崇，真假個真。
女士︰算啦，我來的時候再打過來，係咁。(cut我線)
頂，無d禮貌！
雖然已經說了對不起，但仍覺得自己錯得很，好想努力去改。無法承諾一朝一夕便能改掉廿多年的壞脾氣，但我是會努力的。
這段時間，工作忙得很，還未完成A、B、C，已被吩咐做D、E、F，弄得記性差了，亦多番出錯了。放工後已累得很，雖說自己根本不可能合格，還是盡僅餘的精力去讀去記，好想放棄。在想別人呵護和體諒的同時，原來身邊的他都累透了，也從未向我發出半點怨言，在我鬧小姐脾氣的時候，總是會遷就。今天我是真的錯了，說時理直氣壯言之鑿鑿，非要把人置諸死地不可，認為自己有一百個氣憤的原因，卻沒有想過別人的感受。
在準備動氣的時候，冷靜想想別人的處景，不想再傷大家的感情。時間，不應是用來吵架的。這篇日記用作警愓自己。
| Rating: | ★★★ |
| Category: | Movies |
| Genre: | Cult |
